ក្នុងជីវិតប្រចាំថ្ងៃរបស់យើងម្នាក់ៗតែងតែជួបប្រសព្វនូវបញ្ហាផ្សេងៗជាច្រើនដែលទាមទារឲ្យមានភាពប៉ិនប្រសប់និង
ចាំបាច់បន្ទាន់ដើម្បីដោះស្រាយ ព្រោះនៅក្នុងតថភាពសត្យានុម័តនៃមជ្ឈដ្ឋានជុំវិញខ្លួនយើងមានវត្ថុ បាតុភូត និងរឿងរ៉ាវ
ជាច្រើនដែលយើងមិនស្គាល់ មិនយល់ និងមិនបានដឹងជាមុន។
សៀវភៅ "ការគិត" ដែលក្រុមបោះពុម្ពម៉ាញប៊ុក្សយើងបានប្រែសម្រួលនេះគឺដោយសារតែយើងមើលឃើញថា វាមាន
ប្រយោជន៍ជាក្បួនសម្រាប់បង្រៀនវិជ្ជាគិតប្រកបដោយវិចារណញ្ញាណ និងការគិតប្រកបដោយភាពច្នៃប្រឌិត (Critical and
Creative Thinking) ដែលរាប់ថាជាវិជ្ជាមួយក្នុងបណ្តាមុខវិជ្ជាទាំងឡាយសម្រាប់និស្សិតកម្រិតបរិញ្ញាបត្រគ្រប់ជំនាញ។ ក្រៅពីនេះ
វាជាវិជ្ជាថ្មីរៀបរៀងឡើងដើម្បីឲ្យស្របនឹងស្ថានភាពសង្គមដែលប្រែប្រួលយ៉ាងឆាប់រហ័សផងដែរ។
ក្នុងសម័យកាលនេះ មនុស្សចាំបាច់ត្រូវតែគិតឲ្យបានល្អិតល្អន់និងត្រូវឲ្យមានប្រសិទ្ធភាពផងដែរទើបអាចញ៉ាំងជីវិត
ឲ្យរស់នៅប្រកបដោយភាពសុខសាន្តបាន។ ខ្លឹមសារនៃការគិតដែលអធិប្បាយក្នុងសៀវភៅនេះ កើតចេញពីប្រភពនៃការគិត
និងការគិតប្រភេទផ្សេងៗដូចជាការគិតវិភាគ ការគិតប្រកបដោយវិចារណញ្ញាណ ការគិតប្រកបដោយភាពច្នៃប្រឌិត និងការគិត
តាមបែបយោនិសោមនសិការ ដែលបានរៀបរៀងឡើងមកដោយការសិក្សាស្រាវជ្រាវ និងប្រមូលផ្តុំពីសៀវភៅផ្សេងៗជាច្រើន
ក្បាលពាក់ព័ន្ធនឹងការគិត។
សង្ឃឹមថាសៀវភៅមួយក្បាលនេះនឹងក្លាយជាបណ្តុំទិន្នន័យ ឬជាផ្នែកមួយនៃការសិក្សា ជួយឲ្យនិស្សិត អ្នកស្រាវជ្រាវ
និងអ្នកមានចំណាប់អារម្មណ៍ទទួលការយល់ដឹងនិងមើលឃើញអំពីសារៈសំខាន់នៃការគិតបានកាន់តែស៊ីជម្រៅរហូតអាចប្រើ
ក្នុងការសិក្សានិងក្នុងដំណើរជីវិតឲ្យមានសេចក្តីសុខ និងរីកចម្រើនទៅមុខបានយ៉ាងល្អប្រសើរ។
នៅចុងបញ្ចប់យើងខ្ញុំអ្នកប្រែសម្រួលនិងរៀបរៀង សូមអរគុណចំពោះម្ចាស់ស្នាដៃ និងក្បួនតម្រាគ្រប់រូប ដែលជាប្រភព
នៃទិន្នន័យសំខាន់ៗ ដែលធ្វើឲ្យយើងខ្ញុំអាចសម្រេចចេញជាសៀវភៅនេះឡើង ជាពិសេសសូមអរគុណដល់ប្រិយមិត្តអ្នកអាន
ទាំងអស់ដែលបានជួយគាំទ្រសៀវភៅម៉ាញប៊ុក្សយើងខ្ញុំតាំងពីដើមរហូតមកដល់ពេលនេះ។
30-Days Buyer Protection 
