រឿងចម្លែកដែលមនុស្សភាគច្រើនមានការយល់ដឹងមិនគ្រប់គ្រាន់នៅពេលនិយាយអំពី ចំណុចខ្លាំង (Strength) របស់ខ្លួនឯង ដែលអាច
មានមូលហេតុមកពីពួកគេទាំងនោះគ្មានឱកាសសិក្សាស្វែងយល់ ឬមិនបានគិតទៅដល់សារៈសំខាន់របស់វា ទើបមានឲ្យកើតជាសំណួរឡើងថា
តើពួកគេទាំងនោះ ចំណាយពេលវេលាភាគច្រើនទៅសិក្សារៀនសូត្រពីរឿងអ្វីទៅវិញ?
ចម្លើយដ៏ងាយគឺ បើពិនិត្យមើលទៅវិធីសាស្រ្តអប់រំឪពុកម្តាយដែលមានចំពោះកូនចៅ ការសិក្សានិងការវាស់លទ្ធផលរបស់ប្រព័ន្ធសិក្សា
ទូទៅរួមទៅដល់ការវាស់ប្រសិទ្ធភាពការងាររបស់បុគ្គលិកក្នុងអង្គភាព ឬក្នុងក្រុមមន្រ្តីរាជការមនុស្សយើងតែងប្រើពេលបន្តិចបន្តួចប៉ុណ្ណោះគិត
ទៅលើអ្វីដែលខ្លួនធ្វើមិនបានឬជា ចំណុចខ្សោយ (Weakness) ហើយព្យាយាមកែលម្អចំណុចខ្សោយនោះដែលអាចទាញបង្វែរឲ្យធ្លាក់ទៅក្នុង
អន្ទាក់ជីវិត ដែលមនុស្សធ្លាប់ប្រើអស់ជាច្រើនសតវត្សកន្លងមក ដើម្បីស្វែងរកដំណោះស្រាយ។
អ្នកខ្លះក៏រកដំណោះស្រាយឃើញហើយរំដោះខ្លួនចេញបាន តែភាគច្រើនបែរជាមុជកាន់តែជ្រៅទៅក្នុងចំណុចខ្សោយមួយចំនួន ដែល
ទោះបីព្យាយាមពេញមួយជីវិតដើម្បីរៀនសូត្រហ្វឹកហាត់យ៉ាងណាក៏នៅតែធ្វើមិនបានល្អ ឬប្រសិនបើធ្វើបានក៏បានត្រឹមតែម្តងម្កាលប៉ុណ្ណោះ។
ប៉ុន្តែពេលខ្លះយើងបែរជារកឃើញថា ខ្លួនឯងមានទេពកោសល្យ (Talents) ម្យ៉ាងៗដែលផ្តល់ឲ្យយើងអាចធ្វើអ្វីមួយចំនួនបានយ៉ាងមាន
ប្រសិទ្ធភាព ហើយលុះពេលយើងធ្វើកិច្ចការនោះបានល្អអស្ចារ្យហើយជាប់លាប់ទៀតផង។
ហ្កេលឡ័ប អកហ្កាណៃសេស្ហឹន បានធ្វើការសិក្សាស្រាវជ្រាវ លើការស្វែងរកទេពកោសល្យនិងវិធីលើកកម្ពស់បន្ថែម ដើម្បីអភិវឌ្ឍឲ្យក្លាយ
ទៅជាចំណុចខ្លាំង រួមទាំងយកទៅប្រតិបត្តិក្នុងស្ថាប័នឈានមុខទូទាំងពិភពលោកអស់ជាង 30ឆ្នាំមកហើយ ដោយសៀវភៅ ស្វែងរកចំណុចខ្លាំង
មួយក្បាលនេះគ្រាន់តែចំណុចមួយនៃការរំដោះគំនិតឲ្យផុតពីបំណង ដើម្បីឲ្យមានគំនិតថ្មីៗកើតឡើង ដែលអាចជាចំណុចចាប់ផ្តើមនៃការអភិវឌ្ឍ
និងលើកកម្ពស់វិធីប្រើជីវិតឲ្យល្អប្រសើរឡើង។
ក្រៅពីនេះថែមទាំងធ្វើឲ្យយើងដឹងថា តើសក្តានុភាពពិតប្រាកដរបស់ខ្លួនគឺអ្វីដើម្បីបានអភិវឌ្ឍសមត្ថភាពនោះជារៀងរហូតទៅ ថែមទាំង
មានឱកាសបានធ្វើអ្វីផ្សេងៗប្រកបដោយសេចក្តីសុខដោយពុំមានធុញទ្រាន់។
បើអ្វីដែលយើងពោលមកនេះ គឺជាចម្លើយដែលអ្នកកំពុងតែស្វែងរកនោះមានន័យថា អ្នកកំពុងតែកាន់កូនសោពិសេសសម្រាប់ចាក់បើក
ទ្វារនាំជីវិតឲ្យរួចផុតពីអន្ទាក់ផងទាំងឡាយនោះហើយ។
ការស្វែងរក អាចពុំមែនជាការធានាថាយើងត្រូវតែជួបអ្វីដែលខ្លួនចង់បានតែយ៉ាងហោចណាស់ការចាប់ផ្តើមស្វះស្វែងរកក៏នឹងធ្វើឲ្យ
យើងបានដឹងថា ការពិតតើយើងចង់បានអ្វីពិតប្រាកដ ហើយថា តើអ្វីដែលកំពុងស្វែងរកនោះវានឹងបង្កជាប្រយោជន៍អ្វីខ្លះសម្រាប់ជីវិតរបស់
អ្នក។
សូមឲ្យលោកអ្នកមានសំណាងល្អចំពោះការស្វែងរកនេះ។
30-Days Buyer Protection 
