«ក្នុង​នាម​ជា​ប្រជា​ពលរដ្ឋ​​ក្នុង​សង្គម​មួយ យើង​គួរ​​តែ​ចំណាយ​ពេល​​​ដ៏​មាន​តម្លៃ​​របស់​ខ្លួន​  ​ធ្វើ​អ្វី​​មួយ​ដែល​មាន​​ប្រយោជន៍​ចំពោះ​ប្រជា​ពលរដ្ឋ
​និង​សង្គម​ជាតិ​ខ្លួន» ដោយ​ប្រកាន់​យក​នូវ​ទស្សនៈ​នេះ​ហើយ ទើប​បាន​ជា​ខ្ញុំ​បាទ​​ខិត​ខំ​ប្រឹង​ប្រែង​គ្រប់​យ៉ាង​និពន្ធជា​​​សៀវភៅ «អ្នក​ផលិត រៀបចំ
ដឹកនាំ គ្រប់​គ្រង​កម្ម​វិធី​វិទ្យុ​ទូរទស្សន៍ដ៏​កំពូល» នេះ​ឡើង ដើម្បី​​ទុក​ជា​ផ្នែក​​មួយ​ក្នុង​ការ​ចូល​រួម​ចំណែក​អភិវឌ្ឍ​​ សង្គម​ជាតិ​កម្ពុជា ឱ្យ​កាន់​តែ​រីក
​ចម្រើនជឿន​លឿនតាមរយៈ​ «វិស័យសោតទស្សន៍»។

          សៀវភៅ​ដែល​អ្នក​កំពុង​​កាន់​នៅ​នឹង​ដៃ​នេះ មិន​ត្រឹម​តែ​អាច​ធ្វើ​ឱ្យ​អ្នក​យល់​ដឹង​ពី​កិច្ចការ​ «ផ្នែក​ផលិត រៀបចំដឹកនាំ គ្រប់​គ្រង​កម្ម​វិធី​វិទ្យុ​
ទូរទស្សន៍»បាន​យ៉ាង​ទូលំទូលាយ​​ប៉ុណ្ណោះ​ទេ វា​ក៏​ជា​វិថី​​មួយសម្រាប់​ឱ្យ​អ្នក​ដើរ​ឆ្ពោះ​ទៅ​រក​គោល​ដៅ​ជីវិត​របស់​អ្នក​លើ​​ផ្នែក​នេះបាន​យ៉ាង​ប្រាកដ​
ផង​ដែរ ​ឱ្យ​តែ​អ្នក​អាច​អនុវត្ត​តាម​អ្វី​ដែល​មាន​​​ក្នុង​សៀវភៅ​​មួយ​ក្បាល​នេះបាន​មែន​​នោះ។

          ដូច្នេះ ​ក្នុង​នាម​ខ្ញុំ​​បាទ​ជា​អ្នក​និពន្ធ​កម្ពុជា​មួយ ខ្ញុំ​​បាទ​សង្ឃឹម​ថា សៀវភៅ​មួយ​ក្បាល​នេះ មុខ​ជា​នឹង​អាចជួយ​អ្នក​ឱ្យសម្រេច​នូវ​ក្ដី​ស្រមៃ​របស់
​អ្នក​ក្នុងកិច្ចការ   «ផ្នែក​ផលិត រៀបចំដឹកនាំ គ្រប់​គ្រង​កម្ម​វិធី​វិទ្យុ​ទូរទស្សន៍» ដែល​អ្នក​តែង​តែ​ប្រាថ្នាចង់​ធ្វើនោះ​យ៉ាង​ប្រាកដ។ ​ទន្ទឹម​នឹង​នោះ ខ្ញុំបាទ
​​ក៏​សូម​ថ្លែងអំណរ​គុណយ៉ាង​ជ្រាល​ជ្រៅ​ចំពោះ​ប្រិយ​មិត្ត​​ទាំង​ឡាយផង​ដែរ ដែល​តែង​តែ​គាំទ្រ​ស្នាដៃ​និពន្ធ​របស់​ខ្ញុំ​បាទ​​រហូត​មក ដែល​ជា​កម្លាំងចិត្ត​ដ៏​
ខ្លាំង​ក្លាមួយជួយឱ្យ​ខ្ញុំ​បាទបន្ត​កិច្ចការ​ងារ​ដើម្បី​បម្រើ​​ជា​ប្រយោជន៍​ចំពោះ​ប្រជា​ពលរដ្ឋ​និង​សង្គម​ជាតិ​កម្ពុជា​បន្ត​​ទៀត។

顾客评价 (0)