សេចក្តីផ្តើម

ខ្ញុំសូមប្រគល់ជូននូវមរតក ដែលមានលើសពីលាភសំណាងមហាសាលរបស់ខ្ញុំទៅដល់ជនជាតិអាមេរិក ដែលពោរពេញដោយបញ្ញាក្នុងការសម្រេចជោគជ័យដែលបានប្រើប្រាស់ការចង់ក្រងអំពីភាពស្តុកសម្ភរបស់ខ្ញុំ។

នេះគឺជាចំណុចចាប់ផ្តើមនៃការបេ្តជ្ញាចិត្តនិងពិន័យកម្មរបស់អិនឌ្រូ ការនេហ្ស៊ីដែលចាត់ទុកថាជាអារម្ភកថាបើកឆាករឿងរ៉ាវដែលឆ្លុះបញ្ចាំងឲ្យឃើញថាវាជារបត់ផ្លាស់ប្តូរដ៏សំខាន់បំផុតនៃជីវិតមនុស្ស។

រឿងរ៉ាវចាប់ផ្តើមឡើងនៅរដូវស្លឹកឈើជ្រុះឆ្នាំ 1908 ពេល អិនឌ្រូ កានេហ្ស៊ីហៅខ្ញុំឲ្យទៅជួបហើយបានលើកសរសើរខ្ញុំជាខ្លាំងទៅលើការសម្រេចចិត្ត ការវិភាគនិងផ្តល់កិត្តិយសដល់ខ្ញុំ ហើយផ្តល់របស់ម៉្យាងដល់ខ្ញុំដោយគាត់បាននិយាយថា លាភសំណាងមហាសាល”មួយដុំធំ” របស់គាត់ ដោយគាត់មើលឃើញថា មរតកនេះនឹងត្រូវយកមកបង្ហាញជូនដល់ប្រជារាស្ត្រអាមេរិក។

រឿងរ៉ាវនេះត្រូវបានសរសេរឡើងដើម្បីប្រកាសឲ្យអ្នកបានដឹងពីសិទ្ធិនៃការទទួលបានភាគលាភនៃទ្រព្យសម្បត្តិមហាសាលនេះ និងបញ្ជាក់អំពីលក្ខខណ្ឌដែលអ្នកអាចចែករំលែកយកទៅធ្វើជាអ្នកមាន។

លក្ខខណ្ឌទាំងនេះមិនបានហាមប្រាម ឬកំណត់ត្រឹមតែមនុស្សមួយចំនួនតូចនោះទេ។ មនុស្សដែលមានសតិបញ្ញាធម្មតាៗ គ្មានល្បិចកលឬក្តីរំពឹងក្លែងក្លាយទាក់ទងនឹងលក្ខខណ្ឌ សុទ្ធតែអាចធ្វើបានគ្រប់ៗគ្នា។

ហេតុនេះ ទោះជាអ្នកដឹងឬមិនដឹង សំណូមពរនោះគឺជាអ្វីដែលអ្នក ប៉ងប្រាថ្នា ឬ ចង់ក្លាយទៅជាបែបណា​ ខ្ញុំសូមរៀបរាប់គោលៗពីអ្វីដែលខ្ញុំត្រូវសន្យានោះថា៖

ជាគោលការណ៍ដែលអ្នកនឹងទទួលប្រយោជន៍ពេញលេញពីកូនសោមាសឆ្ពោះទៅរកការមានស្តុកស្តម្ភ ជាកូនសោចាក់បើកទ្វារឲ្យឃើញដំណោះស្រាយទាំងអស់របស់អ្នក ដែលជួយអ្នកក្នុងការកែប្រែបរាជ័យពីអតីតឲ្យវាក្លាយទៅជាសម្បត្តិមហាសាលកាត់ថ្លៃមិនបាន ហើយនាំអ្នកឆ្ពោះទៅរកភាពមានស្តុកស្តម្ភដ៏អស្ចារ្យទាំង១២ប្រការ រួមទាំងភាពរឹងមាំខាងហិរញ្ញវត្ថុផងដែរ។

ជាគោលការណ៍អំពីភាពមានស្តុកស្តម្ភ ដែលបន្សល់ទុកដោយអិនឌ្រូ កានេហ្ស៊ី ដើម្បីចែករំលែកដល់អស់បុគ្គលដែលមានគុណសម្បត្តិសក្តិសមនឹងទទួលវា ព្រមទាំងពាក្យណែនាំផ្នែកប្រតិបត្តិយ៉ាងលម្អីត ដែលអ្នកអាចយកទៅប្រើក្នុងការស្វែងរកនិងទទួលភាគលាភរបស់អ្នក។

ជាការអធិប្បាយពីវិធីការដែលជួយឲ្យអ្នកទទួលអត្ថប្រយោជន៍ពេញលេញពីការសិក្សារៀនសូត្រ បទពិសោធ និងជំនាញវិធីសាស្ត្ររបស់បុគ្គលដែលកិច្ចរួមសហការរបស់ពួកគេអាចជាអ្វីដែលចាំបាច់សម្រាប់ឲ្យអ្នកសម្រេចដល់គោលដៅចម្បងក្នុងជីវិត។ ដូច្នេះវាបានផ្តល់នូវវិធីប្រតិបត្តិដែលតបស្នងដល់ការចំណាយលើការសិក្សាបន្តិចបន្តួច ហើយសម្រេចដល់គោលដៅខ្ពស់បំផុតក្នុងជីវិត ប្រៀបដូចអ្នកទទួលលាភសំណាងដទៃទៀតដែលទទួលការសិក្សាយ៉ាងពេញលេញដូច្នោះដែរ។

ជាសិទ្ធិពិសេសនៃការប្រើចំណេះដឹងអំពីការសម្រេចជោគជ័យ ដែលបានរៀបរៀងមកយ៉ាងល្អពីបទពិសោធជីវិត ដោយសារសាកល្បងខុសត្រូវនៃបុគ្គលល្បីល្បាញរាប់រយនាក់។

ជាផែនការប្រតិបត្តិជាក់លាក់ ដែលសូម្បីតែអ្នកធ្វើការស៊ីប្រាក់ប្រចាំខែឬប្រចាំឆ្នាំ អាចយកមកប្រើលើកកម្ពស់ខ្លួនឯងឲ្យទទួលបានប្រាក់ចំណូលខ្ពស់ប្រកបដោយកិច្ចរួមសហការយ៉ាងស្ម័គ្រចិត្ត និងការយល់ព្រមដោយពេញចិត្តពីចៅហ្វាយនាយរបស់គេ។

ជាផែនការប្រតិបត្តិដ៏ជាក់លាក់ដែលធុរជនណាក៏អាចយកទៅប្រើក្នុងការអូសទាញអតិថិជនឲ្យក្លាយមកជាអតិថិជនស្មោះស្ម័គ្រភក្តី បង្កើនអតិថិជនថ្មីៗដែលក្លាយមកជាអតិថិជនអចិន្ត្រៃយ៍នៅទីបំផុត។

ជាផែនការប្រតិបត្តិដ៏ជាក់លាក់ ដែលអ្នកទីផ្សារលក់ទំនិញ ឬសេវាដែលមានប្រយោជន៍ ដូចជាការធានារ៉ាប់រងជីវិត ឬធុរកិច្ច MLM អាចប្រើប្រាស់វាដើម្បីអូសទាញអតិថិជន ធ្វើឲ្យអ្នកទីផ្សារធ្វើការប្រកបដោយទំនុកចិត្ត ដែលបង្កើនអតិថិជនអចិន្ត្រៃយ៍ថ្មីៗបានជាបន្តបន្ទាប់។

ជាផែនការប្រតិបត្តិជាក់លាក់ ដែលនិយោជិតយកទៅប្រើដើម្បីបង្កើតមិត្តថ្មីៗពីក្នុងបណ្តាបុគ្គលិករបស់ខ្លួន។ ស្ថានភាពនេះនឹងជួយឲ្យគេធ្វើធុរកិច្ចទទួលបានកម្រៃកាន់តែច្រើន សម្រាប់រូបគេនិងបុគ្គលិករបស់គេ។

ពេលនេះអ្នកបានដឹងពីការសន្យារបស់យើងច្បាស់លាស់ទៅហើយ។ លក្ខខណ្ឌដំបូងមុននឹងទទួលប្រយោជន៍ គឺអ្នកត្រូវអានសៀវភៅនេះ ពីរចប់ ពីមួយបន្ទាត់ទៅមួយបន្ទាត់ ហើយត្រូវ ពិចារណាខណៈពេលអាន។

បានសេចក្តីថាយើងមានទាំងផ្នែកឥស្សរភាពនិងសេរីភាពនៅក្នុងចិត្តផងដែរដែលយើងមានលើសពីអ្នកដទៃ។ យើងមានស្តុកស្តម្ភក្នុងចិត្តអំពីរឿងសម្ពន្ធភាពរបស់មនុស្សដែលប្រជាពលរដ្ឋអាមេរិកគ្រប់រូបអាចប្រើសិទ្ធិពិសេសក្នុងការចាប់ផ្តើមធ្វើអ្វីដោយខ្លួនឯងយ៉ាងពេញលេញទៅតាមវិធីណាក៏បានតាមចិត្តប្រាថ្នា។ ដូច្នេះបើនិយាយពី “ភាពស្តុកស្តម្ភ” យើងត្រូវគិតទៅដល់ជីវិតដែលល្អឥតខ្ចោះដែលមាននៅគ្រប់ទីកន្លែងនៃប្រជាពលរដ្ឋអាមេរិក និងអាចឈោងចាប់បានដោយកម្រិតការប្រឹងប្រែងតិចតួចបំផុត។

ទន្ធឹមគ្នានេះខ្ញុំសូមជម្រាបផងដែរថា យើងនឹងមិនផ្តល់ការណែនាំដល់នរណាអំពីរឿងថាតើត្រូវចង់មានស្តុកស្តម្ភកម្រិតណាឬបរិមាណប៉ុនណានោះទេ។

ជាកុសល ជីវិតបែបជនជាតិអាមេរិកបានផ្តល់ភាពសម្បូរបែបនៅគ្រប់រូបភាពនៃភាពមានស្តុកស្តម្ភ ទាំងផ្នែកគុណភាពនិងបរិមាណ ដែលបំពេញភាពគាប់ចិត្តដល់ក្តីប្រាថ្នារបស់មនុស្សប្រកបដោយហេតុផល។​ យើងសង្ឃឹមថា ប្រិយមិត្តអ្នកអានគ្រប់រូបនឹងតម្រង់ទិសដៅបែងចែកយកចំណែកភាគលាភរបស់ខ្លួន ដែលមិនត្រឹមតែជាសម្ភារ:ដែលប្រាក់អាចទិញបានប៉ុណ្ណោះទេ គឺរួមទៅដល់អ្វីៗដែលប្រាក់មិនអាចទិញបានផងដែរ!...

យើងមិនចាំបាច់ប្រាប់អ្នកដទៃថាតើយើងប្រើជីវិតដូចម្តេចខ្លះនោះទេ តែយើងអាចដឹងបានតាមរយ:ការសង្កេតទៅលើអ្នកមាននិងអ្នកក្រនៅអាមេរិកថា អ្នកដែលមានស្តុកស្តម្ភតែលើផ្នែកសម្ភារ:លុយកាកមិនប្រាកដថាសុទ្ធតែមានក្តីសុខឡើយ។

យើងមិនធ្លាប់ឃើញមនុស្សណាមានក្តីសុខពិតប្រាកដដោយមិនបានបំពេញប្រយោជន៍ដល់អ្នកដទៃនោះឡើយ ហើយយើងក៏ធ្លាប់ស្គាល់មនុស្សមួយចំនួនផងដែរដែលមានទ្រព្យសម្បត្តិគរដូចភ្នំ តែនៅតែមិនអាចរកសេចក្តីសុខឃើញ។

ការលើកឡើងពីការសង្កេតនេះពុំមែនជាការប្រៀនប្រដៅទេ គ្រាន់តែរំឭកដល់អ្នកដែលមិនស្គាល់ពីតម្លៃរបស់វាដោយសារតែគេចាត់ទុកវាជារឿងធម្មតា, សូមប្រញាប់ចាប់ផ្តើម​ ព្រោះភាពមានស្តុកស្តម្ភផ្នែកសម្ភារៈនៅសហរដ្ឋអាមេរិកមានមិនខ្វះសម្រាប់យកមកចែករំលែក តែសូមឲ្យអ្នកខំស្វែងរកភាពមានស្តុកស្តម្ភផ្នែកស្មារតីដែលយើងមិនបានលើកយកមកនិយាយនោះផងដែរ។

ណាប៉ូលេអុង ហ៊ីល

顾客评价 (0)