ហេតុអ្វីទើបមានសៀវភៅនិទានវិញ្ញាណទិព្វមួយនេះ?

យើងគួរសើរើដល់អ្នកផលិតខ្មៅដៃជាមុនសិន។ គេដឹងថាមនុស្សយើងអាចបង្កកំហុសឆ្គងជាប្រចាំទើបគេដាក់ជ័រលុបភ្ជាប់មកជាមួយ ដើម្បីឲ្យ
យើងអាចលុបពាក្យដែលសរសេរខុសនោះចេញ។ ប៉ុន្តែជាទូទៅ ខ្មៅដៃគេសម្រាប់ឲ្យកេ្មងតូចៗប្រើប៉ុណ្ណោះ ចំណែកក្មេងធំៗ គួរតែដល់ពេល
ប្រើប៊ិចឬស្ទីឡូសម្រាប់សរសេរវិញហើយ តើព្រោះហេតុអ្វីទៅ?...មនុស្សធំត្រូវតែមានការប្រុងប្រយ័ត្ន មិនគួរបង្កឲ្យមានកំហុសថ្លោះធ្លោយដោយ
ងាយៗនោះទេ ព្រោះកំហុសនីមួយៗរបស់មនុស្សធំតែងបង្កឲ្យមានផលប៉ះពាល់ដល់អ្នកដទៃយ៉ាងធ្ងន់ធ្ងរ ពេលសរសេរខុសហើយគឺពិបាកនឹង
លុបវិញណាស់ឬទោះបីជាលុបបាន ក៏នៅតែមានដាមស្នាមខ្លះមិនលែងឡើយ។

និទានវិញ្ញាណទិព្វ ផ្ទុកដោយរឿងនិទាន 100 រឿង រឿងនីមួយៗជួយឲ្យអ្នកអានបាត់អផ្សុក ជក់ចិត្តដិតអារម្មណ៍ ចង់តាមដានពីរឿងមួយទៅរឿង
មួយដោយមិនធុញទ្រាន់ តែប្រការសំខាន់បំផុតដែលអស់លោកអ្នកអាននិងប្អូនៗបានទទួលពីសៀវភៅនេះមានតម្លៃធំធេងស្ទើរតែមិនអាចកាត់
ថ្លៃនោះបាន នោះគឺ‌​ "គំនិតដ៏ស៊ីជម្រៅ" ដែលមនុស្សតែងមើលរំលង ឬមិនព្រមយកចិត្តទិកដាក់​មកប្រើប្រាស់ក្នុងជីវិតយ៉ាងឈ្លាសវៃ ដើម្បីឲ្យខ្លួន
បានវៀរចាកផុតពីបញ្ហាក្បែរខ្លួនបានយ៉ាងងាយស្រួលនោះឯង។

យើងខ្ញុំសង្ឃឹមថាសៀវភៅមួយក្បាលនេះ មិនត្រឹមតែជួយឲ្យលោកអ្នកមានសេចក្តីសុខក្នុងការអានប៉ុណ្ណោះទេ ប៉ុន្តែវាមានអ្វីម៉្យាងដែលចាំជួយ
ដាស់តឿនដល់វិញ្ញាណរបស់លោកអ្នកបានយ៉ាងល្អប្រសើរទៀតផង។

ការអាននឹងជួយឲ្យលោកអ្នកនិងប្អូនៗកាន់តែឆ្លាតឡើងៗដោយមិនដឹងខ្លួន។

顾客评价 (0)