សេចក្តីប្រកាសថ្លែងអំណរគុណ

សម្រាប់គម្រោងថ្មីៗគ្រប់គម្រោងតែងជាប់ទាក់ទងនឹងដំណើរការដែលត្រូវចាប់ផ្តើមដោយពន្លកគ្រាប់ពូជការគិត ហើយដើរតាមគន្លងពិសេសរបស់ខ្លួនរហូតដល់ចុងបញ្ចប់នៃការស្ថាបនាច្នៃបង្កើតនៅលើលោក។ ខ្ញុំចូលចិត្តភាពរំភើបត្រេកត្រអាលក្នុងការធ្វើដំណើរដែលមានផ្លូវកោងបត់ចុះបត់ឡើងដែលមិនអាចគិតស្មានទុកជាមុន ដែលមានអ្វីប្លែកថ្មី មានភាពសោមនស្សរីករាយ។ ប៉ុន្តែលើសពីនេះទៅទៀតពេលងាកត្រឡប់ទៅមើលគន្លងផ្លូវដែលដើរមក ខ្ញុំមានអារម្មណ៍ចង់ឱនគោរពគារវៈដល់មនុស្សដ៏គួរឱ្យស្ងើចជាច្រើនដែលមានតួនាទីសំខាន់ក្នុងការជួយឱ្យនាំគម្រោងនោះមកកាន់ពិភពលោកយើងនេះ។ ដំណើរការស្ថាបនាហ៊ីរ៉ូ គឺជាអ្វីដែលជាមោទនភាពចាប់ពីដំបូងរហូតមកដល់ទីបញ្ចប់ ទើបខ្ញុំចង់លើកឡើងពីឈ្មោះបុគ្គលអស្ចារ្យ ជាអ្នកដែលជួយឱ្យអស់លោកអ្នកមានឱកាសបានសៀវភៅមួយនេះនៅក្នុងដៃ។ បុគ្គលទាំងនោះមានដូចជា៖

អ្នកមានចំណែករួមនៅក្នុងហ៊ីរ៉ូមកពីគ្រប់ទិសទីលើលោកដែលបានផ្តល់កម្លាំងចិត្តនិងជួយលើកកម្ពស់គំនិតស្មារតីអ្នកដទៃដោយការចែករំលែកបទពិសោធរបស់ខ្លួន និងជាអ្នកដែលខ្ញុំមានកិត្តិយសក្នុងការឱ្យរួមធ្វើការជាមួយ មានដូចជា៖ Liz Murray, Peter Foyo, John Paul Dejoria, Anastasia Soare, Michaelle Action Smith, Peter Burwash, Mastin Kipp, G.M. Rao, Pete Carolle, Liard Hamillton, Layne Beachley, និង Pau Orfalea។ សូមអរគុណដែលផ្តល់ទំនុកចិត្តដល់ខ្ញុំ ដែលបានលះបង់ពេលវេលាដ៏មានតម្លៃរបស់ខ្លួនដោយពុំស្ទាក់ស្ទើរនិងដែលមើលឃើញរូបភាពនិងសក្តានុពលរបស់ហ៊ីរ៉ូ​​ តាំងពីនៅពន្លកគ្រាប់ពូជក្នុងគំនិតមកម្ល៉េះ។

សូមអរគុណដល់ជំនួយដ៏ថ្លៃថ្លាពីបណ្តាជំនួយការដ៏ថ្លៃថ្លាពីបណ្តាជំនួយការដ៏ប៉ិនប្រសប់,​បុគ្គលដ៏គួរឱ្យស្ងប់ស្ងែងដែលធ្វើការឱ្យមូលនិធិអង្គការសប្បុរសធម៍ផ្សេងៗ, សូមអរគុណចំពោះការចូលរួមចំណែកនៅក្នុងហ៊ីរ៉ូ ដែលបានអនុញ្ញាតឱ្យយើងបង្ហាញស្នាដៃដ៏ធំធេងដែលពួកគាត់កំពុងធ្វើ។ សូមអរគុណជាពិសេសដល់Mayra Alejandra Garcia, Luca Carp, Bhuvana Chakarvarthy, Jamie Davern, Megan McGrath, និង Tamra Azar។

សូមអរគុណ Skye Byrne និង Paul Harrington ជាសមាជិកក្រុមការងារ ដឺស៊ីក្រេត ជាអ្នកធ្វើការដិតជាប់ជាមួយខ្ញុំក្នុងការរៀបចំចងក្រងរឿងហ៊ីរ៉ូ, ជាអ្នកទទួលបន្ទុកដ៏ធំធេងក្នុងការប្រមែប្រមូលពាក្យពេចន៍ពីអ្នកចូលរួមទាំងឡាយ និងបានផ្តល់មតិយោបល់ល្អៗតាំងពីដើមដល់ចប់ក្នុងការសម្រេចកិច្ចការនេះ។ ក្រៅពីនេះសូមអរគុណដល់ Skye សម្រាប់ការយល់ដឹងយ៉ាងស៊ីជម្រៅនិងបានកែសម្រួលស្នាដៃសំណែររបស់ខ្ញុំយ៉ាងឆ្លាតវៃ។ បើគ្មាននាងជួយទេ ហ៊ីរ៉ូ ក៏មិនអាចបានល្អដូចដែលលោកអ្នកបានឃើញនេះដែរ។

សូមអរគុណដល់ Glenda Bell ជាអ្នកចាត់ចែងគម្រោងហ៊ីរ៉ូ ដែលពុំមែនគ្រាន់តែបាននាំយកអ្នករួមចំណែកគ្រប់គ្នាមកឱ្យហ៊ីរ៉ូ ប៉ុណ្ណោះទេ តែក៏ជាអ្នកចាត់ចែងកំណត់ការណាត់សម្ភាសនិងភ្ជាប់ទំនាក់ទំនងជាមួយមូលនិធិដែលរួមចំណែកទាំងអស់ រួមទាំង Andria Keirជាអ្នកធ្វើការរួមគ្នាជាមួយGlendaយ៉ាងឧស្សាហ៍ព្យាយាមដើម្បីនាំយកអ្នករួមចំណែកទាំងអស់មកកាន់ហ៊ីរ៉ូ។

សូមអរគុណ Jan Child អ្នកទទួលបន្ទុកបោះពុម្ភដឺស៊ីក្រេតដែលជួយគាំទ្រជួយខ្នះខ្នែង និងធ្វើការដោយមិនចេះនឿយហត់ក្នុងចំណាត់ការបោះពុម្ភ ហ៊ីរ៉ូ រួមទាំងការងារក្រាហ្វ៊ិក និងក្រុមការងារវេបសាយឆ្លងទ្វីប ដែលបានរួមចិត្តរួមកាយស្ថាបនាកិច្ចការក្នុងគ្រានេះ។

សូមអរគុណ Nic George ប្រធានការិយាល័យគ្រីអេទីហ្វរបស់ដឺស៊ីក្រេតសម្រាប់រួបគំនូរដ៏វិសេសនិងវិចិត្រកម្មដើមច្បាប់របស់ហ៊ីរ៉ូ និងសម្រាប់ការលើកទឹកចិត្តដល់ស្នាដៃនិពន្ធរបស់ខ្ញុំជាបន្តបន្ទាប់មកដើម្បីយកទៅបង្កើតជាស្នាដៃសិល្បៈក្រាហ្វ៊ិករបស់គាត់។ សូមអរគុណដល់ក្រុមការងារ Gorzer Media មាន Shamus Hoare និង Anana Buys សម្រាប់ការប្រើចំណេះជំនាញជួយពួកយើង។

សូមអរគុណដល់ក្រុមការងារគ្រឹះស្ថានបោះពុម្ភ Atria Books និង Simon & Schuster ដែលបានជួយគាំទ្រសៀវភៅខ្ញុំ ដឺស៊ីក្រេត និងរូបខ្ញុំ។ សូមអរគុណ Carolyn Reidy, Judith Curr, Dennis Enlau, Darlene DeLillo, បណ្ណាធិការ Sarah Branham សម្រាប់ការជួយណែនាំ, អរគុណ Lisa Keim, Eillen Ahearn, Paul Olsewski, Jim Theil, Daniella Wexler, និងបណ្ណាធិការច្បាប់ដើម Isolde Sauer និង Kimberly Goldstein។

សូមអរគុណក្រុមប្រឹក្សាផ្នែកច្បាប់របស់យើងនៅGreenburg Glusker៖ Bonnie Eskenazi និង Aaron Moss, សូមអរគុណជាអនេកដល់ Brad Brian នៃ Munger Tolles, អរគុណដល់ Laura Reeve និងក្រុមការងារនៅ Edelman នៃក្រុមហ៊ុន P.R. របស់យើង។

សូមអរគុណដល់មិត្តភក្តិនិងក្រុមគ្រួសារជាទីស្រឡាញ់របស់ខ្ញុំ ដែលជាអ្នកឧបត្ថម្ភគាំទ្រនិងលើកទឹកចិត្តក្នុងការធ្វើការជាប់ជារហូតមក និងជាបុគ្គលដែលខ្ញុំរីករាយត្រេកអរដែលមានពួកគេមកនៅក្នុងជីវិតជាពិសេសគឺលោកឪពុកអ្នកម្តាយ។

សូមអរគុណដល់Hayleyកូនស្រីរបស់ខ្ញុំដែលបានបង្រៀនឱ្យខ្ញុំដាក់សំណួរដើម្បីស្វែងរកចម្លើយនៃអ្វីដែលជាលោកវត្ថុនិងអ្វីដែលនាងបង្កើតឡើងយ៉ាងល្អឥតខ្ចោះ, អរគុណ Savannah Byrne-Cronin សម្រាប់ក្តីស្រឡាញ់និងការគាំទ្រ, អរគុណ Kevin “Kid” McKemy, OkuDen ដ៏ស្រស់សោភា, Paul Cronin និង Angel Martin Velagos សម្រាប់ការណែនាំផ្នែកចិត្តវិញ្ញាណនិងគតិបណ្ឌិតដែលបានផ្តល់ឱ្យខ្ញុំជារៀងរហូតមក។

នៅទីបញ្ចប់ គោលគំនិតអំពី ហ៊ីរ៉ូ បានផុសឡើងតែមួយវឹបនៅល្ងាចថ្ងៃមួយដូច្នេះទើបខ្ញុំសូមអរគុណយ៉ាងជ្រាលជ្រៅចំពោះចក្រវាលនិងចិត្តចក្រវាល ដែលផ្តល់កម្លាំងចិត្តខ្ញុំសម្រាប់គម្រោងដ៏ពិសេសបែបនេះហើយបាននាំផ្លូវខ្ញុំឱ្យឆ្លងផុតគ្រប់ជំហាននៃការធ្វើដំណើរឆ្ពោះទៅរកការស្ថាបនាច្នៃប្រតិដ្ឋនៅលើលោកនេះ។

顾客评价 (0)