គោលការណ៍ការពារអ្នកទិញរយៈពេល ៣០ ថ្ងៃ

ជាមួយអ៊ីម៉លខេមបូឌា, យើងយកចិត្តទុកដាក់ខ្ពស់ទៅលើ ការទុកចិត្ត និង សុវត្ថិភាពរបស់អតិថិជន នូវរាល់ប្រតិបត្តិការទាំងអស់ ជាហេតុនាំឲ្យយើងបង្កើតនូវ គោលការណ៍ការពារអតិថិជនរយៈពេល ៣០ថ្ងៃ នេះឡើង។

តើវាមានន័យដូចម្តេច?

•    ជំនួយការរយៈពេល ៣០ ថ្ងៃ: រាប់ចាប់តាំងពីថ្ងៃបញ្ជាទិញ ការបញ្ជាទិញរបស់អ្នកនឹងស្ថិតនៅក្នុងការការពាររយៈពេល ៣០ ថ្ងៃ។ កំឡុងពេលនេះ, យើងនឹងធ្វើការតាមដានក្នុងការពិនិត្យ និងជួយដោះស្រាយវិវាទ រវាងអតិថិជន និង អ្នកលក់ រាល់បញ្ហាទាំងឡាយដូជា បញ្ហាក្នុងការដឹកជញ្ជូន, ទំនិញខុសពីការពណ៌នាក្នុងការដាក់លក់, ឬបញ្ហាការបង់ប្រាក់ជាដើម។
•    ការត្រួតពិនិត្យផលិតផលរយៈពេល ៣ថ្ងៃ: កាលណាទំនិញរបស់អ្នកបានដឹកទៅដល់ដៃអ្នក, អ្នកមានរយៈពេល ៣ថ្ងៃ ក្នុងការត្រួតពិនិត្យទៅលើផលិតផលដែលបានបញ្ជាទិញ ដើម្បីធ្វើការទារប្រាក់វិញ ឬប្តូរទំនិញថ្មី ប្រសិនបើ៖
o    ទំនិញមិនដូចទៅនឹងការផ្សព្វផ្សាយលក់
o    ពេលដឹកទៅដល់ទំនិញមានការបាក់បែក ខូចខាត ឬមានកំហូចណាមួយ
o    ឬ អ្នកមិនបានទទួលទំនិញ (សូមបញ្ជាក់ភស្តុតាង ករណីបាត់ទំនិញដោយក្រុមហ៊ុនដឹកជញ្ជូន).

ប្រសិនបើមិនមានការ ស្នើទារប្រាក់វិញ ក្នុងរយៈពេល ៣ថ្ងៃ នេះ, ប្រតិបត្តិការបញ្ជាទិញរបស់អ្នកនឹងត្រូវបានចាត់ទុកថាបានជោគជ័យ ហើយរាល់បញ្ហាផ្សេងៗ នឹងត្រូវប្រគល់ឲ្យអ្នកលក់ជាអ្នកដោះស្រាយផ្ទាល់ ដោយផ្អែកលើការធានារបស់អ្នកលក់ ។
•    ក្រោយពេល ៣ថ្ងៃ: ប្រសិនបើការបញ្ជាទិញរបស់អ្នកស្ថិននៅក្នុងចន្លោះការការពារ ៣០ថ្ងៃ របស់យើង នោះរាល់បញ្ហាផ្សេងៗ ដែលកើតឡើង យើងនៅតែជួយដោះស្រាយជូនអ្នក។

តួនាទីរបស់យើង:

អ៊ីម៉លខេមបូឌា នឹងដើរតួជាអជ្ញាកណ្តាល រវាងអ្នកលក់ និង អ្នកទិញ ដោយប្រាកដថា មានភាពសុក្រិត្យ និង យុត្តិធម៌ មិនមានការកេងបន្លំបោកប្រាស់ទាំងសងខាង។ ទំនុកចិត្តរបស់អ្នកគឺសំខាន់បំផុតសម្រាប់យើងខ្ញុំ។ ពួកយើងនឹងតាំងចិត្តមុតមាំក្នុងការផ្តល់ជួននូវសុវត្ថិភាពរាល់ការទិញរបស់អតិថិជន។